Sərdar Ortaç və Çloe Loughnan ayrıldımı ?
20 Mart 2014 20:55 (UTC+04:00)
Türkiyənin məşhur müğənnisi Sərdar Ortaçın iyun
ayında etməyi planlaşdırdığı toyun tarixini təxirə salmaq istəyi
nişanlısı Çloe Loughnanı küsdürdü. Ortaçın yalnız özünü sevdiyini
düşünən və bu vəziyyətə çox hirslənən Çloe ölkəsi İrlandiyaya, ata
evinə getdi.
Dərin məhəbbət tez ayrılıqmı gətirdi? Sərdar
Ortaçla ötən aylarda İrlandiyaya gedərək ailəsindən istədiyi model
nişanlısı Çloe Loughnanla onun arasına qara pişikmi girdi? Bu
sualların cavabları indi müğənninin fanatlarını çox
düşündürür.
Ancaq hər dəfə öz çıxışında Çloe ilə evlənəcəyini
deyən və iyun ayında Çırağan Sarayında toy edəcəklərini açıqlayan
məşhur popçu nişanlısından toyun tarixini təxirə salmağı xahiş
edib.
Çloe Loughnanın Ortaça "Bir həftə qalıb dönəcəyəm"
deməsi heç də inandırıcı deyil. Sərdar isə ona aprel ayına qədər
dönməsi tələb edib.