Ukraynanın neft maqnatı həbs edildi
21 Mart 2014 21:12 (UTC+04:00)
Ukrayna Daxili İşlər Nazirliyinin əməkdaşları
"Naftoqaz" şirkətinin rəhbəri Yevqeni Bakulini ölkədə keçirilən
neft-qaz sahəsində korrupsiya ilə bağlı əməliyyat çərçivəsində həbs
edib.
Movqe.az ANS PRESS-ə istinadən xəbər verir ki , bu
barədə Ukraynanın daxili işlər naziri Arsen Avakov xəbər
yayıb.
Daxili İşlər Nazirliyinin keçirdiyi korrupsiya
faktı ilə bağlı araşdırmalar nəticəsində məlum olub ki, dövlət
içində mövcud olan cinayətkar qrup büdcəyə təxminən 4 mlrd. dollar
zərər vurub. Araşdırmaların nəticəsinə görə, büdcəyə dəyən zərər
dövlətin bir sıra rəsmiləri tərəfindən həyata keçirilib. Bu
istiqamətdə aparılan araşdırmaların genişləndirilməsinə qərar
vermişik. Ölkə siyasətçilərini araşdırma prosesinə müdaxilə
etməməyə çağırıram. Həmin siyasətçilərə xəbərdarlıq edirəm. Prosesə
təzyiq göstərənlərə ağır şəkildə cavab veriləcək".
Qeyd edək ki, Yevqeni Bakulin 2010-cu ilin mart
ayından "Naftoqaz Ukrayna" şirkətinin rəhbəridir. Bundan əvvəl o,
2007-ci ilin mart ayından dekabra qədər olan müddətdə də şirkətə
rəhbərlik edib.