“Rusiya qoşunlarının hərəkətini izləyirik”- ABŞ rəsmisi

22 Mart 2014 11:12 (UTC+04:00)

ABŞ-ın Milli Təhlükəsizlik müşaviri Susan Rays deyib ki, Krımı ilhaq edən Rusiya getdikcə daha çox təcrid olunur. ABŞ Ukraynaya təcavüz edən Rusiyanın bunun bədəlini ödəməsi üçün başlanan beynəlxalq kampaniyanın önündə gedir. Movqe.Az xəbər verir ki, S.Rays təmkinli davrandığı və təxribata getmədiyi üçün Ukrayna hökumətinə təşəkkür edib.

Onun bildirdiyinə görə, rus qoşunlarının Ukrayna ilə sərhəddəki hərəkətini diqqətlə izləyirlər. Elə bu səbəbdən də ABŞ-ın müdafiə naziri Çak Hagel martın 20-də rusiyalı həmkarı ilə telefonla danışıb. Rusiyanın bunun hərbi təlim olduğunu deməsini xatırladan Rays qeyd edib ki, "onların əvvəllər nə demələri ilə nə etmələri arasındakı təzadı gördüyümüz üçün qoşunların bu hərəkərini şübhə ilə izləyirik".