Nura Surinin klipi xarici kanalda nümayiş olunub (VİDEO,FOTO)
25 Mart 2014 12:18 (UTC+04:00)
Nura Suri Rusiyanın tanınmış musiqi şirkəti ilə
əməkdaşlığa başlayıb. Movqe.az ans press-ə istinadən xəbər verir ki
, tanınmış müğənni "Youtube" kanalının daxilində fəaliyyət göstərən
və Rusiyanın ən böyük musiqi kanallarından hesab olunan "ELLO ELLO"
ilə iş birliyi qurub. İfaçının yeni "Brilliantlar" klipi sözügedən
kanalda təqdim olunub.
Tiflisdə çəkilən "Brilliantlar" klipini gürcü
rejissor Zaza Uraşvili ərsəyə gətirib. Mahnının söz və musiqisi
Murad Arifə məxsusdur. "Brilliantlar" klipinin ilk təqdimatı 24
fevral tarixində Bakıda keçirilib.
Qeyd edək ki, kanalda Rusiyanın və Ukraynanın
tanınmış ifaçılarının klipləri yerləşdirilir. Ancaq bu, ifaçının
razılığı ilə həyata keçir və bunun üçün xüsusi müqavilə imzalanır.
Kanalda Dan Balan, Nüşa, Vera Brejneva, Dima Bilan, Fillip
Kirkorov, Ani Lorak, Valeriy Meladze və digər tanınmış ifaçıların
klipləri nümayiş olunur.
"ELLO ELLO" tez bir zamanda kifayət qədər
istifadəçi toplayıb və yüksək baxış sayı qazanıb. Kanal dünyanın ən
böyük musiqi şirkətlərindən olan Universal Music, Warner Music
Russia və Velvet Musiclə əməkdaşlıq edir.
Onu da xatırladaq ki, "ELLO ELLO" kanalında daha
öncə ancaq Eldar Qasımovun, Nigar Camalın və Anar Bəylərin klipləri
təqdim olunub.