Sabah Bakıda 16 dərəcə isti olacaq
25 Mart 2014 15:04 (UTC+04:00)
Sabah Azərbaycan ərazisində hava əsasən yağmursuz olacaq. Ekologiya
və Təbii Sərvətlər Nazirliyinin Milli Hidrometeorologiya
Departamentinin Hidrometeoroloji Proqnozlar Bürosundan ans press-ə
verilən məlumata görə, martın 26-da Bakı şəhəri və Abşeron
yarımadasında havanın dəyişkən buludlu olacağı, əsasən yağmursuz
keçəcəyi gözlənilir.
Səhər və axşam bəzi yerlərdə zəif duman olacaq. Mülayim cənub
küləyi əsəcək, gündüz arabir güclənəcək. Havanın temperaturu gecə
3-5, gündüz 11-16 dərəcə isti olacaq.
Azərbaycanın rayonlarında martın 26-da hava əsasən yağmursuz
keçəcək, gecə və səhər bəzi yerlərdə duman, çiskin olacaq. Cənub
küləyi əsəcək, ayrı-ayrı yerlərdə arabir güclənəcək. Havanın
temperaturunun gecə 5-10, gündüz 15-20 dərəcə isti, dağlarda gecə 2
dərəcə şaxtadan 3 dərəcəyədək isti, gündüz 8-13 dərəcə isti olacağı
gözlənilir.