Ermənilər azərbaycanlı fəala qarşı böhtan kampaniyasına başlayıblar
26 Mart 2014 20:00 (UTC+04:00)
Dubayda Azərbaycanın sabiq vitse-konsulu və Qafqaz
xalqlarının Ümumukrayna Konqresinin təsisçisi Paşa Məmmədov
İlisuyskiyə qarşı ermənilər şər-böhtan kampaniyaları həyata
keçirməyə başlayıblar. Paşa Məmmədov məsələ ilə əlaqədar ANS
PRESS-ə məktub ünvanlayıb. Məktubda Ukraynada ermənilərin ona qarşı
şər atdıqlarından və onun əleyhinə aparılan böhtan
kampaniyalarından söhbət açılır.
Məktubun mətni ilə sizi tanış
edirik:
"Mənim ünvanıma Ermənistan tərəfdən bir neçə dəfə
təhdidlər gəlib. Ermənilərin separatçı Dağlıq Qarabağ rejimi rəsmən
Krımda qanunsuz referendumu dəstəklədi. Bu qərarla Ermənistan
hakimiyyəti artıq bütün dünyaya sübut etdi ki, Ermənistan öz
siyasətini beynəlxalq hüquq prinsiplərinin ümumbəşər normalarına və
ilk növbədə BMT-ın Nizamnaməsinə zidd olaraq həyata keçirməyə davam
edir.
Ermənilərdən fərqli olaraq Ukraynada yaşayan
azərbaycanlılar Ukrayna konstitusiyasının tərəfindədirlər. Onlar
Ukraynaın konstitusiya hüquqlarına hörmət edirlər, siyasi və ya
iqtisadi maraqlardan çıxış etmirlər. Azərbaycanlılar Ukrayna
xalqına mənəvi dəstək olurlar.
Mən, Məmmədov Paşa belə azərbaycanlılardan biriyəm
və öz tərəfdarlarımla birlikdə Qafqaz Xalqlarının Ümumukrayna
Konqresi yaradılmasını elan etdik. Yaratdığımız Qafqaz xalqlarının
cəmiyyətini əsas hədəfi Ukraynanın ərazi bütövlüyünü
dəstəkləməkdir. Azərbaycan Qafqazda ən böyük dövlət,
azərbaycanlılar ən çoxsaylı və Qafqazın ən qədim xalqlarından
biridir. Buna əsaslanaraq mən azərbaycanlı kimi belə bir
məsuliyyəti öz üzərimə götürməyə qərar verdim.
Tarix, mədəniyyət və qardaş münasibətlərində olan
xalqların birləşməsindəki təhlükəni görən erməni mətbuatının
fırıldaqçıları tələsik qaralama kampaniyasına başladılar və bizim
Ukraynanın bütövlüyü üçün etdiyimiz xoş fəaliyyətimizə siyasi
çalarlar verməyə başladılar. Onlar Qarabağ həqiqətinin yayılmaması
üçün ukraynalılar birlikdə fəaliyyət göstərməyə
başladılar.
Erməni KİV-i mənə qarşı ayağa qalxdı və bizim
ictimai təşkilatımıza Ermənistandan təhdidlərlə dolu zənglər etməyə
başladılar. Onlar mətbuatda Dubayda Azərbaycanın konsul müavini
olaraq çalışdığım bir vaxtda mənim tərəfimdən böyük qanun
pozmalarına yol verildiyi barəsində məsələlər qaldırdılar. Erməni
şirkətləri və bununla yanaşı Dubayda ermənilər tərəfindən idarə
edilən şirkətlər tərəfindən Azərbaycanın işğal edilmiş ərazilərinə
tur səfərlərinin təşkil edilməsində əlehimə kampaniyalara
başlanılıb.
Beynəlxalq qanunların əksinə, Vyana
konvensiyasının maddələri ilə məni - Dubayda Azərbaycan
Respublikasının konsul müavinini erməni milliyyətinə qarşı
sui-qəsdi gizlətməklə ittiham edirlər.
Qeyd etmək istəyirəm ki, onlar bu cür bu cür
hərəkətlərinə terrorizm haqqında maddəylə don geyindirməyə
çalışırlar. O vaxtlar Azərbaycan Konsulluğu Dubayda baş konsulluq
kimi işləmirdi və mən rəsmən yazılı şəkildə diplomat kimi erməni
şirkətlərinin BƏƏ-dəki qanunsuz hərəkətləri barəsində Azərbaycanın
səfiri cənab Elxan Qəhrəmanovu
məlumatlandırırdım.
Bütün bu faktlar, ümumbəşər normalarının
pozulmaları və mənim kimi azərbaycanlıların ünvanına edilən
təhdidlər göstərir ki, daha çox ermənilər tərəfindən atılan bu cür
şərin təzahürüylə artıq dövlət səviyyəsində mübarizə aparmaq
lazımdır.
Ümummilli Lider H.Əliyevin müdrikliyinin və
prezident İlham Əliyevin xoşəməlliliyinin nəticəsidir ki, biz
sabahkı günə əminliklə qədəm qoyuruq! Biz azərbaycanlılar öz
dövlətimizə ümid edərək bütün dünyada cəsarətlə addımlayırıq və öz
vətəndaş mövqeyimiz sərgiləyirik".