BMT Baş Assambleyası Krımdakı referendumun nəticələrini tanımayıb
27 Mart 2014 22:40 (UTC+04:00)
BMT Baş Assambleyasının səs çoxluğu ilə bu gün qəbul etdiyi
qətnaməyə əsasən, Krımda keçirilmiş referendum qanunsuz hesab
olunub. Qətnamənin qəbul olunmasına 100 ölkə, əleyhinə Ermənistan
da daxil olmaqla 11 ölkə səs verib. 58 ölkə bitərəf
qalıb.Movqe.az-ın"RİA Novosti"yə istinadən verdiyi xəbərə görə,
qətnaməyə əsasən, Baş Assambleya vurğulayır ki, Krım Muxtar
Respublikasında və Sevastopolda 16 mart 2014-cü il tarixində
keçirilmiş referendumun qanuni qüvvəsi olmadan Krım Muxtar
Respublikasının və ya Sevastopol şəhərinin statusunun
dəyişdirilməsinə əsas ola bilməz. BMT Baş Assambleyası bütün
dövlətləri, beynəlxalq təşkilatları və xüsusiləşdirilmiş qurumları
Krım və Sevastopolun statusunun dəyişdirilməsini tanımamağa çağırıb
və istənilən status dəyişikliyinin tanınması kimi qələmə veriləcək
hər-hansı addımlardan çəkinməyə çağırıb. Qətnaməyə əsasən, Baş
Assambleya Ukraynanın beynəlxalq səviyyədə tanınmış suverenliyi,
siyasi müstəqilliyi, vahidliyi və ərazi bütövlüyünə sadiqliyini
təsdiqləyib.