Azərbaycan və ABŞ birgə təlim keçirəcək
29 Mart 2014 09:54 (UTC+04:00)
Silahlı Qüvvələrimizin nümayəndələri beynəlxalq
tədbirlərdə iştirak edəcək.
Müdafiə Nazirliyindən ans press-ə verilən məlumata
görə, Azərbaycan-Türkiyə ikitərəfli əməkdaşlıq planına əsasən
martın 31-dən aprelin 4-dək Marmaris şəhərində (Türkiyə) Dənizdə
terrorizmlə mübarizə kursu təşkil olunacaq. Eyni zamanda NATO ilə
Fərdi Tərəfdaşlıq üzrə Əməkdaşlıq Proqramına əsasən martın 31-dən
aprelin 4-dək Belqrad şəhərində (Serbiya) "NATO ilə 2014-cü il üzrə
Hərbi Əməkdaşlığın Əlaqələndirilməsi" üzrə işçi görüş keçiriləcək.
Bununla yanaşı Azərbaycan-ABŞ ikitərəfli iş planına əsasən martın
31-dən aprelin 4-dək Dublin (İrlandiya), Belqrad (Serbiya) və
Stokholm (İsveç) şəhərlərində "Viking-14" kompüter dəstəkli komanda
qərargah təlimi keçiriləcək.
Tədbirlərdə Azərbaycan Respublikasının Silahlı
Qüvvələrinin nümayəndələri də iştirak edəcəklər.