Dövlət Proqramı çərçivəsində məktəblər əsaslı təmir olunacaq
29 Mart 2014 10:01 (UTC+04:00)
"2014-2016-cı illərdə Bakı şəhərinin və onun
qəsəbələrinin sosial-iqtisadi inkişafına dair Dövlət Proqramı"nın
həyata keçirilməsi üzrə Tədbirlər Planına əsasən paytaxtın Qaradağ
rayonunda bir sıra təhsil müəssisələrinin inşası və əsaslı təmiri
işləri aparılacaq.
Movqe.az ans press-ə istinadən xəbər verir ki ,
rayon icra hakimiyyətindən verilən məlumata görə, bu illər ərzində
Lökbatan qəsəbəsindəki 960 şagird yerlik yeni məktəb binasının və
Qızıldaş qəsəbəsinin Şonqar yaşayış massivində 196 yerlik ümumi
orta məktəb binasının tikintisi planlaşdırılıb.
Dövlət Proqramında məktəbəqədər tədris
müəssisələrinin təmiri də öz əksini tapıb. Belə ki, Müşfiqabad
qəsəbəsindəki 286 nömrəli körpələr evi-uşaq bağçası, Lökbatan
qəsəbəsində "Çiçək" körpələr evi-uşaq bağçası, eləcə də, Sahil
qəsəbəsində yerləşən "Qaranquş" körpələr evi-uşaq bağçası əsaslı
təmir olunacaq.
Bundan əlavə, rayonun Qobustan qəsəbəsindəki
"Gəlincik" körpələr evi-uşaq bağçasının yerində 80 yerlik yeni
binanın tikintisi və "Şəngülüm" körpələr evi-uşaq bağçasının əsaslı
təmiri nəzərdə tutulub.