Çin lideri Merkelə cavab verə bilmədi
29 Mart 2014 11:00 (UTC+04:00)
Almaniya kansleri Angela Merkel Çin prezidenti Si
Çzinpini qəbul edib. Movqe.az ans press-ə istinadən xəbər verir ki
, paytaxt Berlində baş tutan görüşdə tərəflər iki ölkə arasında
qurulan ticarət əlaqələri ilə yanaşı insan haqlarına dair
müzakirələr aparıblar. Görüş zamanı Merkel Çində söz və ifadə
azadlıqlarının məhdudlaşdırılması ilə bağlı Si Çzinpinə xəbərdarlıq
edib. Merkel bildirib ki, hökumət xalqın etibarını qazanmaq üçün
addımlar atmalıdır.
"Çin və Almaniya kimi ölkələrdə mütəmadi olaraq
dəyişən dünya ilə uyğunlaşmaq üçün islahatlar keçirilir. Cəmiyyətin
quruculuğu üçün ifadə azadlığı isə, ən vacib ünsürlərdən
biridir".
Çin prezidenti Merkelin bu təndiqlərini cavabsız
qoyub. Mətbuat konfransı zamanı tərəflər, həmçinin, Ukrayna ilə
Rusiya arasındakı gərginliyə münasibət bildiriblər. Si Çzinpin bu
barədə çıxışı zamanı Çinin Ukraynada heç bir xüsusi marağı
olmadığını bildirib.
"Çin başqa millətlərin daxili işlərinə qarışmamağı
və ölkələrin ərazi bütövlüyü və suverenliyinə hörmətlə yanaşmağı
tövsiyə edir və bu məsələdə beynəlxalq qanunlara sadiqdir.
Münaqişəli tərəflər problemlərin diplomatik yolla həllinə
çalışmalıdırlar".
Çin prezidentinin Avropa turu çərçivəsində növbəti
dayancağı isə, Belçikanın paytaxtı Brüssel olacaq.