Obama Putinlə telefonla danışıb
29 Mart 2014 11:11 (UTC+04:00)
Obama Putinlə Ukrayna problemlərinin sülh yolu ilə
həlli haqqında danışıb.
Movqe.az ans press-ə istinadən xəbər verir ki ,
ABŞ prezidenti Barak Obama Vladimir Putini rus ordusunu Ukrayna ilə
sərhəd ərazilərdən geri çəkməyə çağırıb.
Ağ evdən bildirilib ki, prezident Obama Rusiyanın
konkret olaraq diplomatik böhranla bağlı təkliflər hazırlamasını
istəyib. Daha sonra prezidentlər razılaşıb ki, Kerri və Lavrov
növbəti addımları müzakirə etmək üçün
görüşsün.
Putin isə Obamaya Kiyevdə və Ukraynanın müxtəlif
bölgələrində dinc sakinlərə, hökumət strukturlarına, hüquq-mühafizə
orqanlarına qarşı yaranmış təhdidlərdən danışıb. Bu çərçivədə Putin
vəziyyətin sabitləşməsi yolunda beynəlxalq ictimaiyyətin mümkün
əməkdaşlığının nəzərdən keçirilməsini təklif
edib.
ABŞ prezidenti isə Qərbin Moskvanın Ukraynanın
şərq hissəsindəki işğalından narahat olduğunu qeyd
edib.
Barak Obama eyni zamanda Ukrayna hökumətinin
böhranın yumşalması, konstitusiya islahatları və demokratik
seçkilər istiqamətində çalışdığını söyləyib. ABŞ prezidenti rəsmi
Moskvanı bu prosesi dəstəkləməyə, təxribatlardan isə boyun
qaçırmağa çağırıb.