Obama: "Putin SSRİ-nin dağılmasına dərin kədər hissi keçirdiyini göstərməyə çalışır"

29 Mart 2014 12:08 (UTC+04:00)

"Putin Sovet İttifaqının dağılmasına görə dərin kədər hissi keçirdiyini göstərməyə çalışır".

Movqe.az ans press-ə istinadən bildirir ki , Amerika Birləşmiş Ştatları prezidenti Barak Obama rusiyalı həmkarı Vladimir Putinin Ukrayna və Krımla bağlı siyasətinə şərh bildirərkən bu cür açıqlama verib. İtaliyanın paytaxtı Romada CBC telekanalına müsahibəsində Obama qeyd edib ki, Putin ümumiyyətlə Qərbi və Amerika Birləşmiş Ştatlarının siyasətini düzgün anlamır.

"Uzun müddət sonra rus liderləri Soyuq Müharibə dövründə yaşanan hadisələri təkrarlamaqla irəli getməyin mümkün olmadığını anlamalı idi. Əksinə, irəliyə doğru gedən yol, dünya iqtisadiyyatına inteqrasiya etmək və məsuliyyətli vətəndaş olmaqla mümkündür".

"Bizim Rusiyanı əhatəyə almaqda heç bir marağımız yoxdur. Həmçinin, Ukraynadan da tək istədiyimiz xalqın öz seçimini etməsi idi"

Obama Avropaya səfəri çərçivəsində Rusiyanın Ukraynaya qarşı yürütdüyü işğalçılıq siyasəti və Krımı birləşdirməsi ilə əlaqədar tərəfdaş ölkələrlə rəsmi Moskvaya qarşı birlik yaratmağa çalışır.