Türkiyənin tanınmış jurnalisti istefa verdi
29 Mart 2014 12:05 (UTC+04:00)
Türkiyənin tanınmış jurnalisti, "Habertürk"
qəzetinin baş redaktoru, aparıcı Fatih Altaylı vəzifəsindən istefa
verib.
Movqe.az-ın ans press-ə istinadən verdiyi xəbərə
görə, 1 Mart 2009-cu ildə nəşr həyatına başlayan gündəlik xəbər
qəzeti "Habertürk"ün təxminən 5 ildir baş redaktoru olan Altaylı
mübahisəli manşetləri ilə yaddaşlarda qalıb.
Bu günki köşə yazısında oxucularına vəzifəsindən
ayrıldığını açıqlayan Fatih Altaylı "Habertürk" qəzetində artıq
sadəcə bir köşə yazarı olaraq işləyəcəyini bildirib. Altaylı
yazısında heç vaxt namussuzluq etməkdiklərini qeyd
edib:
"Bu qərarıma sağolsun Turqay Ciner də böyük hörmət
göstərdi. Məni hansı şərtlərdə, necə bu vəzifədə tutduğunu bilirəm.
Ancaq bu qərarı verməyə bilməzdim. Dünən redaktor yoldaşlarımla
vidalaşarkən onlara söylədiyim bir şeyi sizlərə təkrarlamaq
istəyirəm. İçində olduğumuz bu qrup əsla namussuzluq etmədi.
Qəzetini əsla xəbərçilikdən başqa məqsədlərlə istifadə etmədi. Biz
də bunun rahatlığı ilə jurnalistika ilə məşğul
olduq".
Qeyd edək ki, Fatih Altaylının boş qalan
vəzifəsinə kimin gətiriləcəyi hələlik məlum deyil.