Elza Seyidcahan yenə heyrətləndirdi (FOTO)

29 Mart 2014 14:06 (UTC+04:00)

Hər zaman fərqli geyimi və ifası ilə hər kəsin diqqətini özünə cəlb etməyi bacaran əməkdar artist Elza Seyidcahan yeni imicdə kamera qarşısına keçib. Movqe.az ans press-ə istinadən xəbər verir ki , Elza xanım ötən gün ANS telekanalında yayımlanan "Adam içində" verilişində qonaq qismində iştirak edib. İfaçı görkəmi ilə hər kəsi təəccübləndirməyi bacarıb.

Digərlərindən fərqlənməyi sevən müğənni bunun üçün ona bacısının kömək etdiyini bildirib. Proqram zamanı Elza Seyidcahan yağış obrazında olduğunu, saçından tutmuş ayaqqabısı və geyiminin də məhz yağışa uyğun olduğunu deyib. Verilişə makiyajsız qatılan müğənni çəkiliş və tədbirlərinin sayının çox olduğunu bildirərək əl- üzünü yuyub çəkilişlərə qatıldığını deyib.

Bundan əlavə olaraq əməkdar artist özünü uğurlu insan olduğunu vurğulayıb: "Mən çox uğurlu insanam. Kiminlə işləyirəm, mahnı verirəm uğurlu alınır. Getdiyim hər yerdə şən əhval-ruhiyyə yaradıram. Kiməsə pul verəndə aylarla cibində saxlayır ki, bərəkətli əliniz var".

Elza Seyidcahanın marağa səbəb olan görüntüsünü sizə təqdim edirik.