Azərbaycan Türkiyə küləyindən enerji alacaq
29 Mart 2014 16:03 (UTC+04:00)
Azərbaycan Dövlət Neft Şirkətinin Türkiyədəki
törəmə qurumu olan SOCAR Turkey-in sahib olduğu "Petkim Holding"
külək elektrik stansiyası qurmaq üçün "Alstom" şirkəti ilə razılığa
gəlib.
Movqe.az ans press-ə istinadən bildirir ki, dəyəri
təxminən 55 milyon avro olan stansiya İzmirin Əliağa vilayətindəki
Petkim yarımadasına inşa ediləcək. Bu stansiya qurğuların elektrik
enerji ehtiyacının qarşılanmasında əhəmiyyətli rol
oynayacaq.
Stansiyanın ümumi gücü 51 meqavat olacaq. İlk faz
tamamlandığında Petkim elektrik istehsal tutumunu 12% artıracaq.
Külək elektrik stansiyasının ilk fazı 2015-ci ildə, ikinci fazı isə
2016-ci ildə istismara veriləcək.
Imza mərasimində danışan "SOCAR Turkey"nin
prezidenti Kenan Yavuz yenilənəbilən enerjinin əhəmiyyətinə
inandıqlarını, bunun sübutu olaraq da Petkim Yarımadasında "Petkim
RES" yatırımına imza atdıqlarını söyləyib. "SOCAR Turkey"nin
prezidenti stansiyanın ilk fazının 27 meqavat, ikinci fazının isə
24 meqavat olacağını deyib. O bildirib ki, bu yolla da həm öz
enerji ihtiyacımızı, həm də bölgənin təmiz enerjiyə olan ehtiyacını
ödəyəcəyik.