Putindən rus gəlinlərə pis xəbər
29 Mart 2014 16:19 (UTC+04:00)
İkili vətəndaşlıqda ediləcək tənzimləməyə dəstək
verən Putin hazırlanacaq yeni cəza qanununu dəstəklədiyini
açıqlayıb.
Movqe.az ans press-ə istinadən xəbər verir ki,
Rusiya dövlət başçısı Putin Rusiya vətəndaşlığından əlavə digər
ölkə vətəndaşlığı olanlara əlaqədar qanun dəyişikliyini gündəminə
alıb. İctimai cəza nəzərdə tutan tənzimləmə Türkiyədəki ruslara da
təsir edə bilər.
Krımın Rusiya tərəfindən ilhaq edilməsindən sonra
burada yaşayan Ukrayna vətəndaşları səbəbindən gündəmə gətirilən
ikili vətəndaşlıq məsələsi Türkiyədə bənzər vəziyyətdə olan çox
sayda rus vətəndaşınına mənfi təsir edəcək. İkili vətəndaşlıq
mövzusunu Rusiya Dumasında ələ alan Putin vətəndaşların Moskva
rəhbərliyinə bildirmədən ikinci ölkə vətəndaşlığı aldığını
deyib:
"İkinci vətəndaşlığını gizləyən rus vətəndaşları
ilə əlaqədar hazırlanacaq cəza qanununu dəstəkləyirəm. Bu cəza həbs
yerinə ictimai xidmətində müəyyən məhdudlaşdırma formasında da ola
bilər".
Qeyd edək ki, qeyri-rəsmi statistikaya görə
hazırda həm Rusiya, həm də Türkiyə vətəndaşı olan 24 min insan
var.