Bu gün Türkiyədə bələdiyyə seçkiləri günüdür
30 Mart 2014 11:15 (UTC+04:00)
Türkiyədə bu gün 52 milyon 695 min seçici 1394
yerli idarəetmə orqanları təmsilçiləri arasında seçim etmək üçün
məntəqələrə gedəcək.
Movqe.az ans press-ə istinadən xəbər verir ki ,
yay vaxtına keçidlə əlaqədar ölkənin bəzi bölgələrində səsvermə bir
saat əvvəl başlayacaq. Bələdiyyə seçkiləri Bakı vaxtı ilə 19:00-da
başa çatacaq və iki saat sonra Ali Seçki Qurumu ilkin nəticələri
açıqlamağa başlayacaq. Ümumilikdə bələdiyyə seçkiləri ilə əlaqədar
ölkə üzrə 194 300 məntəqə yaradılıb.
Ali Seçki Qurumunun verdiyi məlumata görə, yerli
seçkilərdə Türkiyə daxilində 26 milyonu qadın olmaqla, 52 milyon
695 min 831 seçici iştirak edəcək.
Bu seçkilərdə barmaqlara boya vurulmasından imtina
edilib. Səs vermədə iştirak etmək üçün "T.C" seriyalı şəxsiyyət
vəsiqəsi, evlilik şəhadətnaməsi, hərbi bilet, sürücülük vəsiqəsi,
vəkillik sənədi kimi şəxsiyyəti müəyyənləşdirən şəkilli sənədlərdən
birinin olması kifayətdir.