Azərbaycanda dəhşətli qəza: hamı bu qəzadan danışır (VİDEO)
30 Mart 2014 23:01 (UTC+04:00)
Sosial şəbəkələrdə Azərbaycanda baş vermiş
dəhşətli yol qəzasının videogörüntüləri yayılıb. Movqe.az ans
press-ə istinadən xəbər verir ki, hadisə avtomagistral yollardan
birində baş verib. Belə ki, sürətlə hərəkət edən "Kamaz" markalı
avtomobil yol kənarında dayanan digər "Kamaz" markalı yük maşını
ilə toqquşub.
Qəza nəticəsində yol kənarında dayanan "Kamaz"
markalı avtomobil fırlanaraq əks istiqamətə dönüb və yol
kənarındakı dəmir arakəsməyə çırpılıb. Zərbənin təsirindən
"Kamaz"da olan sərnişin və sürücü avtomobilin qapısından çıxaraq
yolun ortasına düşüb. Ətrafdakılar dərhal zərərçəkənlərin köməyinə
gəlib.
Təhlükəsizlik kamerasına düşən görüntülərdə
sərnişinin yüngül xəsarət aldığı, sürücünün isə vəziyyətinin yaxşı
olmadığı görünür.