Çində zəlzələ: yaralılar var
5 Aprel 2014 11:00 (UTC+04:00)
Çində insanların xəsarət alması ilə nəticələnən
zəlzələ baş verib.
Movqe.az ans press-ə istinadən xəbər verir ki, bu
gecə Çinin cənub-qərbində 5,3 bal gücündə zəlzələ meydana gəlib.
İlkin məlumatlara əsasən zəlzələdə ən az 3 nəfərin yaralandığı
bildirilir.
Yeraltı təkanın episentri Siçuan əyalətində,
Siludu kəndi yaxınlığında baş verib. Ölkənin ən böyük hidroelektrik
stansiyalarından biri məhz bu kənddədir. Hal-hazırda su elektrik
stansiyası normal fəaliyyətini davam etdirir.
Yunnan əyalətinin Yunşan rayonunda da evlərin
dağıldığı, yolların sıradan çıxdığı və uçqunların olduğu
bildirilir.
Hadisə yerinə xilasetmə briqadası və müfəttişlər
göndərilib.
Qeyd edək ki, yeraltı təkanları Siçuan əyalətinə
yaxın sakinlər də hiss edib.