Şahmat festivalının qalibləri mükafatlandırıldı (FOTO)
5 Aprel 2014 22:09 (UTC+04:00)
Ümummilli lider Heydər Əliyevin anadan olmasının
91-ci ildönümünə həsr edilmiş şahmat festivalının qalibləri
mükafatlandırılıblar.
Aprelin 5-də Bakıdakı 18 nömrəli tam orta məktəbdə
respublikanın ümumtəhsil məktəbləri arasında ulu öndər Heydər
Əliyevin anadan olmasının 91-ci ildönümünə həsr edilmiş şahmat
festivalına yekun vurulub.
Movqe.az ans press-ə istinadən xəbər verir ki,
Təhsil Nazirliyi tərəfindən təşkil olunmuş festivala paytaxt
rayonlarını, Gəncə, Sumqayıt, Mingəçevir, Şirvan, Şəki, Lənkəran və
digər şəhər və rayonları təmsil edən məktəblilərdən ibarət
komandalar qatılıblar.
Beş gün davam edən yarışda iştirak üçün,
ümumilikdə, 66 şəhər və rayondan 396 məktəbli qeydiyyatdan
keçmişdir. Onlardan 198 nəfəri qızlardır.
Yarış İsveçrə sistemi üzrə keçirilib. Hər bir
komandanın tərkibi 7-14 yaş arası 3 oğlan və 3 qız olmaqla 6
nəfərdən ibarət olub.
Festivalın qalibləri müəyyənləşdirilib və
mükafatlandırılıblar.