Türkiyədə körpü tikintisi zamanı bədbəxt hadisə
baş verib. Movqe.az ans press-ə istinadən xəbər verir ki,
İstanbulun Bəykoz bölgəsində tikintisi davam etdirilən 3-cü körpüdə
qəfildən çökmə hadisəsi baş verib.
Tikinti işlərini həyata keçirən 3 fəhlə hadisə
yerindəcə can verib. Ölən işçilərdən ikisinin şəxsiyyəti məlum
olub. Onlardan ikisinin Yaşar və Lütfi Bulud adlı qardaşlar olduğu
bildirilir. Digər qardaş Sonay Bulud isə hadisə zamanı aldığı bədən
xəsarətləri ilə xəstəxanaya yerləşdirilir.
Qəza zamanı həyatını itirən digər işçinin
şəxsiyyətini hələ ki müəyyən etmək mümkün olmayıb. Hadisənin hansı
səbəbdən baş verməsi polis tərəfindən
araşdırılır.