Komitədən Bakı kəndlərində erkən nikahla bağlı SOS-Özəl
8 Aprel 2014 18:10 (UTC+04:00)
"Azərbaycanda erkən nikah halları Bakı kəndlərində daha çox
müşahidə olunur. Paytaxtda erkən nikahlarla bağlı siyahıya Bakı
kəndləri, regionlar üzrə isə Aran istqisadi rayonları başçılıq
edir". Bu sözləri Movqe.az-a
açıqlamasında Ailə, Qadın və Uşaq Problemləri üzrə Dövlət
Komitəsinin Komitənin İnformasiya və Analitik Araşdırmalar
şöbəsinin məsləhətçisi Aynur Veysəlova söyləyib. A. Veysəlova deyir
ki, Bakıın rayonlarında müasirliyinə görə seçilənləri olsa da,
qədimi, amma mental olmayan adət-ənənələri qoruyub saxlayanları da
var. Bakı kəndlərində rəsmi nikah yaşına çatmayan qızları ərə
verirlər. Erkən nikahların sayında əvvəlki illərlə müqayisədə
azalma olsa da, bu hallara qarşı tam olaraq mübarizə effekt
vermir. A.Veysəlovanın sözlərinə görə, erkən nikahlarının
artmasında mollaların da rolu az deyil. Qafqaz Müsəlmanları
İdarəsinin nəzarətində olan mollalar rəsmi zaqs kağızı olmadan, 18
yaşına çatmamış molla kəbini kəsmirlər. QMİ-nin nəzarətində olmayan
mollalar isə bunu nəzərə almadan molla kəbini kəsir ki, bu da erkən
nikah hallarının hələ də qalmasına təsir edir.