1653 əcnəbiyə Azərbaycanı tərk etməyə 48 saat vaxt verildi
8 Aprel 2014 18:26 (UTC+04:00)
Dövlət Miqrasiya Xidməti bu ilin mart ayı ərzində
2168 əcnəbi tərəfindən Azərbaycanda olma, habelə müvəqqəti və daimi
yaşama qaydalarına əməl etmədən inzibati qanunvericiliyin
tələblərinin pozulması halları müəyyən edib. Movqe.az xəbər verir
ki, onlardan 14-nün Azərbaycan
ərazisində müvəqqəti və ya daimi yaşamaq üçün əsas verən sənədləri
itirildiyindən yenisi ilə əvəz olunub, 298 nəfərinə cərimə tətbiq
edilməklə ölkə ərazisində yaşamaları leqallaşdırılıb, 1653
əcnəbinin Azərbaycan ərazisini 48 saat ərzində tərk etmələri, 203
əcnəbinin isə inzibati qaydada ölkə hüdudlarından kənara
çıxarılmaları barədə qərarlar qəbul olunub.
Ümumiyyətlə, ay ərzində Dövlət Miqrasiya Xidmətinə
6034 müraciət daxil olub. Müraciətlərin hər biri ayrı-ayrılıqda
qanunvericiliyinin tələblərinə uyğun olaraq araşdırılıb və müvafiq
qərarlar qəbul edilib.