BDU-dan intihar etmək istəyən tələbə ilə bağlı açıqlama-"passiv tələbə kimi qeydiyyatdadır"
10 Aprel 2014 15:30 (UTC+04:00)
Bakı Dövlət Universiteti
(BDU) intihara cəhd edən tələbə ilə bağlı açıqlama verib. Movqe.az
xəbər verir ki, BDU-nun mətbuat xidmətinin rəhbəri Pərvanə
İbrahimova Babayeva Aysel Muxtar qızının qayıbları və
akademik borclarına görə intihara cəhd etməsi haqqında yayılmış
xəbərə cavab olaraq bildirib ki, o, 2013-cü ildə Bakı Dövlət
Universitetinin hüquq fakültəsinin bakalavr pilləsini bitirib:
"Oxuduğu müddətdə bəzi dərslərə və imtahanlara gəlmədiyinə görə
müəyyən akademik borcları qalıb. A.Babayeva passiv tələbə kimi
qeydiyyatdadır".
Qeyd edək ki, Bakıda 23 yaşlı qız intihara
cəhd edib. Səbail Rayon Polis İdarəsindən verilən məlumata görə,
hadisə Dənizkənarı Milli Parkda qeydə alınıb.
Şirvan şəhəri Sahib Zeynalov küçəsi
ev 2, mənzil 22-də qeydiyyatda olan 1991-ci il təvəllüdlü
Aysel Muxtar qızı Babayeva ötən gün saat 20:18 radələrində özünü
dənizə atmaq istəyərkən vətəndaşlar tərəfindən
saxlanılıb.Polisdən A. Babayevanın Bakı
Dövlət Universitetinin üçüncü kurs tələbəsi olduğu və hadisəni
qayıbları və akademik borcları çox olduğuna görə etdiyi
bildirilib.