İlkər Başbuğ: "Türkiyə Silahlı Qüvvələri zülmə məruz qalır"

20 Aprel 2014 12:06 (UTC+04:00)

Türkiyə Silahlı Qüvvələri zülmə məruz qalır. Movqe.az ANS PRESS-ə istinadən xəbər verir ki , Türkiyənin sabiq baş qərargah rəisi İlkər Başbuğ ölkənin məhkəm sistemini tənqid edərkən bu cür sözlər işlədib. İzmir vilayətində keçirilən "Səssiz Qışqırıq" aksiyasında çıxışı zamanı Başbuğ qeyd edib ki, bütün qanunsuz məhkəmə hökmlərinin arxasında Amerika Birləşmiş Ştatları dayanır.

"Bu insanlar əziyyət çəkirlər. Lütfən, səlahiyyətli şəxslər məsələyə həssas yanaşsınlar, özlərini zülmə uğrayan insanların yerinə qoysunlar. 357 nəfərdən ibarət müttəhim var. Onlardan 316-sı əskərdir. Burada da ittihamlar elektron məktublarla başlayır. Bu məktublar Amerikadan göndərilir. Hər hansı bir vəkil bu ittihamları araşdırır və ortada heç bir qanunsuz aktın olmadığını aşkarlayır".

"Türk Silahlı Qüvvələrinə edilən zülm dünyanın heç bir yerində yoxdur. Heç bir ölkədə ordu ilə bu cür davranmırlar. Əziz millətim ordu sənin ordundur. Yetər artıq, səsinizi çıxarın!".

İlkər Başbuğ hakimlərin gizli şahidlərin sözlərinə əsasən, insanların həbsə atılmasına qarşı çıxdığını bildirib və hüquq müəssisələrinin bu məsələyə həssas yanaşmasını tələb edib.