Valideynlərini itirmiş uşaqlar təhsil haqqından azad olundu
21 Aprel 2014 11:43 (UTC+04:00)
Valideynlərini itirmiş və valideyn himayəsindən
məhrum olmuş uşaqlar təhsil haqqından azad
olunub.
Movqe.az -ın məlumatına görə, Azərbaycan
Respublikası Nazirlər Kabinetinin 2010-cu il 24 iyun tarixli 117
nömrəli qərarı ilə təsdiq edilmiş "Bakalavriat təhsilinin məzmunu
və təşkili Qaydaları"nda dəyişiklik edilib.
Dəyişikliyə əsasən valideynlərini itirmiş və
valideyn himayəsindən məhrum olmuş uşaqlar, habelə onların
arasından olan şəxslər dövlət, bələdiyyə və özəl orta ixtisas
təhsili müəssisələrində ödənişli əsaslarla təhsil aldıqları
müddətdə təhsil haqqı dövlət büdcəsinin vəsaiti hesabına
ödəniləcək.