Yüngül əxlaqlı qadın yenidən qınaq obyektinə tuş gəldi
5 May 2014 13:04 (UTC+04:00)
Xalq artisti Amaliya Pənahova aktrisa Dilarə Nəzərovanın yüngül
əxlaqlı qadın obrazını oynayaraq, tamaşaçıların qınaq obyektinə tuş
gəlməsinə münasibət bildirib. Mövqe.az xəbər verir ki, hələ
Azərbaycan tamaşaçısının bu cür açıq-saçıqlığı qəbul etməyə hazır
olmadığını deyən tanınmış aktrisa fikirlərini bölüşüb: "Hökm deyil
ki, hər şeyi çılpaqlığı ilə səhnəyə gətirək. Biz hələ buna
hazır deyilik. Bunu ifadə etməyə bizim isdtedadımız çatmır.
Əlbəttə, Dilarə xanım istedadlı aktrisadır. Mən həmişə demişəm ki,
açıq-saçıqlıq, mənfi və müsbət rolu ifa etmək aktrisanın
şücaətindən, rejissorun istedadından asılıdır. Əgər filmi istedadlı
çəkirlərsə, aktrisa istedadlıdırsa, heç kim onlara heç nə deyə
bilməz. Bu, mənim şəxsi düşüncəmdir".