Metroda gedişhaqqı artır?

5 May 2014 14:34 (UTC+04:00)

"Bakı Metropoliteni" QSC-nin yeni rəisi Zaur Hüseynovun quruma sədr təyinatından sonra mətbuatda tez-tez gediş haqlarının qaldırılacağı ilə bağlı məlumatlar dərc edilir.

Bildirilir ki, qiymətlər 20 qəpikdən 50 qəpiyə kimi artırıla bilər.

Movqe.Az məlumat verir ki, AzVision.az məsələ ilə bağlı qurumun mətbuat xidməti ilə əlaqə saxlayıb. QSC-dən bildirilib ki, qiymət artımı ilə bağlı Tarif Şurasına müraciət edilməyib.

"Gediş haqlarının artırılması Tarif Şurasının səlahiyyətindədir. Biz bununla bağlı Şuraya müraciət etməmişik",-deyə qeyd edilib.