Noutbukla evlənmək istədi
10 May 2014 16:47 (UTC+04:00)
Amerikalı kişi öz noutbuku ilə evlənmək xülyasına düşüb.
Movqe.az ANS PRESS-ə istinadən xəbər verir ki, Kris Sever
içərisində topladığı porno şəkil və videogörüntüləri əsas
gətirərək, portativ noutbukuna evlənmək istəyir. Lakin bu arzusunun
reallaşmasında bir sıra problemlərlə üzləşib.
Kris Sever ölkənin cənubunda yaşayır. Regionun nikah qeydiyyatı ilə
məşğul olan şöbələr onun "MacBook"la evlənmək ərizəsini qəbul
etməyiblər. Bundan sonra o Florida məhkəməsinə şikayət edib.
Məhkəmə də onun ərizəsini rədd edib.
Sabiq vəkil Kris Sever təsdiq edir ki, o Amerikanın bir çox
ştatlarında nikahına icazə verilməyən eynicinsli cütlüklər kimi, öz
"xanımına" çox bağlanıb. Və nə olursa-olsun, bu arzusunun həyata
keçirilməsi üçün ədalətin təmin edilməsi yönümündə mübarizə
aparacaq.
O, qeyd edib ki, noutbukla nikahina nail olarsa, o zaman seksual
azlıqların da pozulan hüquqlarını qoruya bilər. Bir sözlə, onun
dediklərindən belə məlum olur ki, bu amerikalı vəkil eynicinsli
cütlüklərin nikahının leqallaşması və hətta cinsi orqanı olmayan
insanların, eləcə də belə insanların müəyyən obyektlərlə
evlənməsinə icazə verilməlidir.
Sever təsdiq edir ki, noutbuku alandan sonra, onun pornoqrafiyaya
vurğunluğu yarandı və öz kompüterini sevdi. İndi onun üçün bütün
insanlar dəyərini itirib, o, gecə-gündüz kompüteri ilə birlikdə
olmağa üstünlük verir.
"Əgər bir çox ölkələrdə mavilərin nikahı normal hala çevrilibsə, o
zaman mən də istədiyim obyektlə cinsi əlaqədə ola bilərəm" - deyə,
Sever məhkəməyə yazdığı iddianı əsaslandırıb.
Florida məhkəməsinin qərarı ilə onun bu iddiası təmin olunmayıb.
Hakim deyib ki, onun iddiası reallıqla uzlaşmadığından, belə bir
iddianı təmin edə bilməzlər. Məhkəmə istintaqı zamanı məlum olub
ki, Tennesi ştatından ağıl çatışmazlığı və xəstə olduğuna görə ona
2011-ci ildən hüquq sahəsində çalışmaq qadağan olunub. 2011-ci ildə
isə o, "Apple" şirkətini də eyni iddia ilə məhkəməyə vermişdi.