Slavyanskda ağır döyüş gedir
17 May 2014 15:10 (UTC+04:00)
Slavyanskda separatçılarla Ukrayna Ordusunun
əsgərləri arasında gərgin döyüşlərin getdiyi
bildirilir.
Movqe.az Anspress-ə istinadən xəbər verir ki,
şahidlər arda-arda raket zərbələrinin endirildiyi və güclü
partlayış səslərinin eşidildiyini deyirlər. Separatçılar
hərbçilərin blokpostlarını atəşə tuturlar.
Yerli sakinlərin verdiyi məlumata görə,
xəstəxanalardan birinə məşhur separatçı Babayanı gətiriblər. O,
ağır yaralanıb.
Şəhər ətrafında törədilən partlayışlar o qədər
güclüdür ki, şəhərin mərkəzindəki evlərin şüşələri titrəyir.