Somada yeni dəhşət
17 May 2014 18:03 (UTC+04:00)
"Somadakı faciə baş verən mədəndə yenidən yanğın başlayıb".
Movqe.az ANS PRESS-ə istinadən xəbər verir ki, bu barədə məlumatı
Türkiyənin enerji və təbii sərvətlər naziri Taner Yıldız verib. O
bildirib ki, mədəndə başlayan yanğın artıq 1 saatdır ki davam
edir:
"Bu yanğını söndürmək lazımdır. İçəridə qalan işçi qardaşlarımızı
tez bir zamanda çölə çıxarmalıyıq".
Qeyd edək ki, mayın 13-də yerli vaxtla saat 15:45-də Türkiyənin
Manisa vilayətinin Soma rayonundakı kömür mədənində dəhşətli
partlayış baş vermişdi. Hadisə zamanı mədəndə 700-dən artıq fəhlə
olub və onlardan bu dəqiqəyə qədər 299 nəfərin dünyalarını
dəyişdiyi təsdiqlənib. Hadisə nəticəsində çox sayda fəhlə müxtəlif
dərəcəli bədən xəsarətləri alıb.