Teleaparıcı canlı yayımda studiyanı tərk etdi (VİDEO)
18 May 2014 00:05 (UTC+04:00)
13 mayda baş verən Soma faciəsi Türkiyədə hər
kəsi, eləcə də birbaşa yayımda olan teleaparıcıları
ağlatdı.
Movqe.az ANS PRESS-ə istinadən xəbər verir ki,
Ülke TV-nin xəbərlər aparıcısı Selda Atalay da mədən qəzasını şərh
edərkən özünü saxlaya bilməyib göz yaşını
axıdıb.
Aparıcı faciəni monitordakı görüntülərlə şərh
edərkən, mədəndə çalışan fəhlələrin halına çox acıyıb və bundan
təsirlənib. "Bu insanlar israrla çörək pulu qazanmağa çalışır.
Kasıbçılıq budur..." deyir və hıçqırıqlar onun sözünü kəsir. Selda
özünü ələ almağa çalışsa da bacarmır və "kəsin, dostlar" deyərək,
əlləri ilə göz yaşlarını silə-silə studiyanı tərk
edir.
Teleaparıcı studiyadan getdikdən sonra efirə bütün
dünyanı ağladan görüntülər buraxılır.