Ölkə üzrə rəqəmsal yayıma tam keçid başa çatmaq
üzrədir. Bunu rabitə və yüksək texnologiyalar naziri Əli Abbasov
deyib. Movqe.az ANS TV-ə istinadən xəbər verir ki,
hazırda prosesin bitməsinə 5 faiz iş qalıb.
Nazirin sözlərinə görə, yaxın vaxtlarda ölkədə tam
rəqəmsal yayıma keçiləcək: "Hazırda əhalinin demək olar ki, 95
faizinin rəqəmsal yayıma keçidi təmin edilib. İndi qalan kəndərin
də bu yayıma keçməsi üçün işlər aparılır".
Nazir yaxın zamanlarda mobil operatorlarının ara
bağlantılarında daha aşağı qiymətə vahid tarif sistemi tətbiq
olunacağını da deyib. Nazirin sözlərinə görə, mobil tariflərin
endirilməsi üçün danışıqlar davam etdirilir: "Hər üç operatorla
apardığımız müzakirələrin nəticəsindən asılı olaraq, yaxın
zamanlarda mobil operatorlar üçün ara bağlantı tariflərinə görə
daha aşağı qiymətə vahid tarif sistemi tətbiq
olunacaq".