Ölən fəhlə ilə bağlı cinayət işi açıldı
24 May 2014 21:05 (UTC+04:00)
Bakı şəhər prokurorluğu Bakının Xətai rayonunda
fəhlənin çoxmərtəbəli binadan yıxılaraq ölməsi ilə bağlı məlumat
yayıb.
Movqe.az xəbər verir ki ,Bakı şəhər
prokurorluğundan verilən məlumata görə, mayın 23-də saat 18:00
radələrində 1980-cı il təvəllüdlü, Ucar rayon sakini Kərimov Elşad
Hacıağa oğlu "Sərhədçi" Mənzil Tikinti Kooperativi tərəfindən
paytaxtın Xətai rayonu ərazisində inşa olunan çoxmərtəbəli yaşayış
binasının 8-ci mərtəbəsində işləyərkən yıxılıb. O aldığı
xəsarətlərdən hadisə yerində ölüb.
Faktla bağlı Xətai rayon prokurorluğunda Cinayət
Məcəlləsinin 222.3-cü (Tikinti və sair işlərin aparılmasının
təhlükəsizlik qaydalarını pozma) maddəsi ilə cinayət işi
başlanıb.
Hazırda iş üzrə istintaq hərəkətləri davam
etdirilir.