Nazirin mindiyi təyyarəni ildırım vurdu
25 May 2014 11:50 (UTC+04:00)
Türkiyənin maliyyə nazirinin olduğu təyyarəni
ildırım vurub.
Movqe.az ANS PRESS-ə istinadən xəbər verir ki,
Ankaradan Batmana səfər edən Türkiyənin Maliyyə naziri Məmməd
Şimşekin də içində olduğu təyyarə ildırım vurma hadisəsi ilə
üzləşib.
İldırım vurması "Anadolu Jet Havayolları"na məxsus
təyyarənin Ankara Esenboğa hava limanından qalxdığı zaman baş
verib. Bir anda nə olduğunu anlamayan bəzi sərnişinlər arasında
çaxnaşma yaşanıb. Lakin sonra sərnişinlərə məlumat verilərək,
narahat olmamaları bildirilib. Təyyarə isə hər hansısa bir problem
olmadan Batman hava limanına enib.
Nazir hava limanına endikdən sonra verdiyi
açıqlamada, həmin vaxt birdən-birə təyyarədə gurultu səsi
eşitdiklərini bildirib.
Təyyarələrin ildırımdan təsirlənməməsi üçün tam
təchizatlı və etibarlı olduğunu dilə gətirən Şimşək, heç bir
problem olmadan Batmana endiklərini vurğulayıb.