Sabah şimşək çaxacaq, yağış yağacaq
28 May 2014 14:20 (UTC+04:00)
Movqe.az xəbər verir ki , sabah Azərbaycanın bəzi
yerlərində yağış yağacaq. Ekologiya və Təbii Sərvətlər Nazirliyinin
Milli Hidrometeorologiya Departamentindən verilən məlumata görə,
mayın 29-da Bakıda və Abşeron yarımadasında hava şəraiti gün
ərzində dəyişkən buludlu olacaq, arabir tutulacağı gözlənilir.
Yarımadanın bəzi yerlərində qısamüddətli yağış yağacağı gözlənilir.
Gündüz mülayim cənub-şərq küləyi əsəcək.
Bakıda və Abşeron yarımadasında havanın
temperaturu gecə 16-20, gündüz 24-29 dərəcə isti
olacaq.
Azərbaycanın rayonlarında sabah əsasən gecə və
axşam bəzi yerlərdə şimşək çaxacağı, qısamüddətli yağış yağacağı
gözlənilir. Qərb küləyi əsəcək, şimşək çaxanda bəzi yerlərdə arabir
güclənəcək.
Aran rayonlarında havanın temperaturu gecə 16-21,
gündüz 28-33, dağlarda gecə 8-13, gündüz 19-24 dərəcə isti
olacaq.