Dünyanın ən gözəl qızı Bakıya gəlir (FOTO)
31 May 2014 17:15 (UTC+04:00)
Mayın 31-də Heydər Əliyev Mərkəzində "Müasir dəbdə
Azərbaycan cazibəsi" layihəsinin təqdimatı
olacaq.
Movqe.az ANS PRESS-ə istinadən xəbər verir ki,
layihə çərçivəsində tanınmış italyan modelyer Renato Balestranın
Azərbaycanın milli ornamentləri əsasında hazırladığı yeni
kolleksiyası nümayiş etdiriləcək. Kolleksiyadakı libaslarda
Azərbaycanın ənənəvi milli geyim naxışları və xalça
ornamentlərindən, eləcə də od və nar elementlərindən istifadə
edilib. Dizayner layihə çərçivəsində Azərbaycanın milli
ornamentlərinin tarixini və xüsusiyyətlərini araşdırıb. Şərq
koloritindən ilham alan modelyer Azərbaycan milli elementlərini
müasir Avropa dəbində tətbiq edib.
Layihənin məqsədi Azərbaycanın milli ənənə və
dəyərlərini yaşatmaq, milli ornamentlərin müasir dəbə
inteqrasiyasına təkan vermək, eyni zamanda Şərq və Avropa
mədəniyyətləri arasında vəhdət yatarmaqdır.
Heydər Əliyev Mərkəzində modelyer Renato
Balestranın iştirakı ilə keçiriləcək moda nümayişində 40-dan çox
geyim nümunəsi təqdim olunacaq. Dəfilədə tanınmış model İrina Şeyk
də səhnəyə çıxacaq.