Qarabağ Britaniya parlamentində
31 May 2014 20:04 (UTC+04:00)
"Azərbaycanın Dağlıq Qarabağ münaqişəsi zamanı
üzləşdiyi problemlərdən xəbərdarıq və geri döndükdən sonra
parlamentdə bu məsələni qaldıracağıq". Movqe.az Anspress-ə
istinadən xəbər verir ki , bunu bu gün mətbuat konfransı keçirən
Böyük Britaniya parlamentinin İcmalar Palatasının üzvü, Böyük
Britaniya-Azərbaycan parlamentlərarası dostluq qrupunun sədri
Kristofer Pinçer deyib. O, münaqişənin bitməli, insanlar evlərinə
qayıtmalı olduğunu deyib.
Deputat qeyd edib ki, Böyük Britaniya ATƏT-in
Minsk qrupunun səylərini dəstəkləyir: "Ancaq biz öz hökumətimizə
təzyiq göstərməliyik ki, onlar da öz növbəsində Minsk qrupunun
fəaliyyətinə dəstək göstərsinlər və münaqişə öz həllini tapsın.
Ərazi bütövlüyü amili tanınmalıdır".
Pinçer Xocalı faciəsinə də toxunub. O, faciənin
Britaniya parlamentində tanınacağına ümid etdiyini bildirib. "Hər
il Azərbaycan-Avropa Cəmiyyətinin Britaniyada keçirdiyi Xocalı
soyqırımının anım mərasimlərinə bir çox Böyük Britanya deputatları
da iştirak edir. Bu onu göstərir ki, həmin insanlar Xocalıda baş
verən verən hadisələri tanıyırlar".
O, Azərbaycanın gənc dövlət olduğunu və
dövlətçiliyini Ermənistan-Azərbaycan münaqişəsinin ağır
çətinlikləri üzərində qurduğunu deyib.
"Bu da istər-istəməz Azərbaycanda demokratiya
quruculuğunda çətinliklər yaradıb".