Rusiyanın Altay Respublikasında yağan aramsız
yağışlar daşqınlara səbəb olub.
Movqe.az ANS PRESS-ə istinadən xəbər verir ki,
daşqın suları əsasən, Çemalski rayonunda irimiqyaslı fəsadlar
törədib. Rəsmilərin məlumatına görə, təbii fəlakət nəticəsində 2
nəfər ölüb.
Dağlıq və dağətəyi bölgələrdə yüzlərlə evi, yollar
və körpüləri su basıb. Avtonəqliyyatın hərəkəti tamamilə iflic
vəziyyətinə düşüb. Yerli sakinlər təkcə kiçik qayıqlar vasitəsilə
hərəkət edə bilirlər. Elektrik şəbəkələrinin sıradan çıxması
nəticəsində region əhalisi işıqsız qalıb.
Hökumət daşqınlarla əlaqədar Altay Respublikasında
fövqəladə vəziyyət elan edib. Suların əsarətində qalanların təxliyə
edilməsi üçün əməliyyatlar başladılıb. Xilasedicilər ucqar
bölgələrə helikopterlər vasitəsilə daxil olublar.
Məlumata görə, təbii fəlakət nəticəsində 1448 ev
yararsız hala düşüb.
Oxşar təbiət hadisəsi Tuva Respublikasında da
yaşanıb. Burada daşqınların səbəb olduğu fəsadlar 4 nəfərin
həyatına son qoyub.