Bakıda yaşayış binasının çardağı işğal olundu (VİDEO)
7 İyun 2014 13:16 (UTC+04:00)
Nəsimi rayonundakı binalardan birində qonşular
üz-üzə gəlib. Onları üz-üzə qoyan isə binanın damında aparılan
təmir işlərindən sonra qonşulardan birinin ehtiyat pilləkənlərini
ləğv edib yeni çardağı mənimsəməsidir.
Movqe.az ANS TV-ə istinadən xəbər verir ki,
paytaxtın Nəsimi rayonu, Mərdanov qardaşları, 15 saylı binanın,
4-cü mərtəbəsində yaşayan sakinlərin şikayəti onların
qonşularındandır. Onların sözlərinə görə, 55 saylı mənzildə yaşayan
Vaqif Aşurzadə binanın çardağını zəbt edərək, özü üçün əlavə otaq
tikmək istəyir. 2011-ci ildə binanın talvarında baş vermiş yanğınla
əlaqədar dam örtükləri MİS tərəfindən
yenilənib.
Elə bundan istifadə edən qonşu ehtiyyat
pilləkanlarını ləğv etdirib. Sadəcə öz mənzilinin üzərinə düşən
çardağa gedən yeni pilləkan tikdirərək qapı qoyub. Həmin qapı da
sakinlərin şikayəti əsasında mənzil komunal təsərüffat birliyinin
əməkdaşları tərəfindən sökdürülüb. Bütün bunları sakinlər deyr.
Bunlara rəğmən onlar yenə çıxılmaz vəziyyətdə qalaraq çardağa çıxıb
hər hansı bir təmir tikinti işi apara bilmirlər. Çünki, qonşuları
mövcud olan bu, ümumi məqsədli pilləkandan istifadə etməsinə icazə
vermir.
Bütün bu işlərin hansı əsaslarla görülməsini elə
qonşu Vaqif Aşurzadədən öyrənməyə çalışdıq. Bunun üçün onunla
telefon əlaqəsi saxladıq. O, bizimlə görüşəcəyini deyib telefonu
bağladı.
Problemlə bağlı Nəsimi Rayon İcra Hakimiyyətinin
mənzil komunal təsərüfat birliyinə üz tutduq. Qurumun 48 saylı
mənzil istismar sahəsinin rəsi Qədir Abbasov bildirdi ki problem
onların da diqqətindədir. Bununla bağlı 55 saylı mənzilin sahibi
dəfələrlə xəbardar da edilib. Sözügedən bina 1912-ci ildə
tikildiyindən burda hər hansı əlavə tikntiyə icazə
verilmir.
Qədir Abbasovun sözlərinə görə, onun heç bir
özəlləşdirmə haqqında sənədi yoxdur: "Ona dəflərlə xəbardar edilib,
son dəfə işi hüquq mühaizə orqanları həll edəcək".
Bundan başqa rəis onu da əlavə etdi ki, binada
yaşayanlar ehtiyyat piləkkanlarını qonşuları Vaqif Aşurzadəyə
yenidən bərpa etdirmək istəyirsə, məhkəməyə müraciət
etməlidir.