Maşın dərəyə aşdı: 2 ölü
8 İyun 2014 11:07 (UTC+04:00)
Şəkidə maşın dərəyə aşıb.
Movqe.az-ın Fövqəladə Hallar Nazirliyinə istinadla
verdiyi məlumata görə, Şəki rayonu, Böyük Dəhnə kəndində (rayon
mərkəzindən 30 km aralı) "Volkswagen" markalı minik avtomobili
idarəetməni itirərək dərəyə yuvarlanıb.
1983-cü il təvəllüdlü Osmanov Ruslan Əbdülrəhman
oğlunun idarə etdiyi avtomobilin yol-qəzası törətməsi nəticəsində
R.Osmanov və sərnişin (qardaşı) 1988-ci il təvəllüdlü Osmanov Fəqan
Əbdülrəhman oğlu aldıqları bədən xəsarətlərindən hadisə yerində
vəfat ediblər.
Yanğınsöndürən-xilasedicilər tərəfindən meyitlər
avtomobildən çıxarılaraq aidiyyatı üzrə təhvil
veriliblər.