“Tetris”in ad günüdür
8 İyun 2014 19:12 (UTC+04:00)
1984-cü ildə sovet proqramçısı Aleksey Pajitnov
tərəfindən yaradılmış Tetris oyunu 30 yaşını qeyd edir. Movqe.az
Anspress-ə istinadən xəbər verir ki , Britaniyanın "The Telegraph"
qəzeti dünyanın ən məşhur kompüter oyununa həsr edilmiş xüsusi
məqalə dərc edib.
Nəşr yazır ki, proqramçı Aleksey Pajitnov Tetris
oyununu Elektronika-60 sovet kompüterində yaradıb. O, bundan sonra
oyunun kodunu onu "IBM" kompüterində işləmək üçün uyğunlaşdıran
tanışları ilə paylaşıb. Nəticədə oyun bütün SSRİ və Şərqi Avropa
ölkələri arasında çox sürətlə populyarlaşıb.
1986-cı ildə Tetris oyunu ilk dəfə Macarıstan
vasitəsilə Qərbdə tanıdılıb və yerli proqramçılar oyunun "Apple II"
və "Commodore 64" kompüterləri üçün versiyasını yaradıblar. Bundan
sonra yeni oyun Böyük Britaniyada diqqəti cəlb edib. Yerli İT
şirkətin nümayəndələri müəllif hüquqları ilə bağlı məsələlərin
həlli üçün Pajitnovla əlaqə saxlamağa çalışıblar. 1987-ci ildə
oyunun bir sıra kommersiya versiyası işıq üzü görüb, buna
baxmayaraq müəllif hüquqları ilə bağlı vəziyyət öz həllini
tapmayıb.
Aleksey Pajitnov yalnız 1996-cı ildə müəllif
hüququ əldə edib.