Başı kəsilən qadının əri yoxa çıxıb
14 İyun 2014 18:00 (UTC+04:00)
Ötən gün saat 15:00 radələrind Gədəbəy rayonunda
baş verən dəhşətli hadisənin bəzi məqamlarına aydınlıq gətirilib.
Movqe.az xəbər verir ki , Rayon Prokurorluğunun müstəntiqi Emil
Abbasovun verdiyi məlumata görə, 1986-cı il təvəllüdlü Fəxriyyə
Firudin qızı Aslanovanı qətlə yetirən şəxsin axtarışları davam
edir. Müstəntiqin sözlərinə görə, cinayəti törətməkdə şübhəli
bilinən qadının keçmiş həyat yoldaşı 1981-ci il təvəllüdlü Elçin
Qasımovdur.
Qeyd edək ki, Fəxriyyə Aslanova ilə Elçin Qasımov
bir il əvvəl boşanıblarmış. Onların nikahından bir qızları var.
Ailə dağılandan sonra Fəxriyyə Aslanova ilə Elçin Qasımov arasında
problemlər olub. Onlar arasında narazılıqlar həmişə dava-dalaşla
nəticələnirmiş.
Fəxriyyə Aslanova öldürüldüyün qadın gözəllik
salonunda işləyirmiş. Hadisə baş verən saatlarda gözəllik salonunda
adam olmayıb.
Keçmiş arvadının boğazını kəsən Elçin Qasımov
sonradan hadisə yerindən qaçıb. Hələlik onun yeri müəyyən
edilməyib. Dəhşətli cinayəti törədən şəxsin tapılması üçün xüsusi
axtarış qrupu yaradılıb. Elçin Qasımovun ailə üzvləri də onun
harada gizlənməsi barədə məlumatsızdırlar.
Faktla bağlı cinayət işi başlanıb, araşdırma
aparılır.