Braziliya hələ də dünya çempionatına etiraz edir
15 İyun 2014 16:10 (UTC+04:00)
Braziliyada keçirilən futbol üzrə dünya çempionatı
fonunda hökumətə qarşı etirazlar səngimək
bilmir.
Movqe.az ANS PRESS-ə istinadən xəbər verir ki, bu
dəfə etirazçı fəallar Belo Horizonte şəhərində bir araya gələrək
hökumətə qarşı şüarlar səsləndiriblər. Aksiya əvvəlcə dinc başlasa
da, daha sonra zorakılıqlarla yadda qalıb. Polisə müqavimət
göstərən azı 18 nəfər həbs olunub. Həmçinin, əlində Molotov
kokteyli gəzdirənlər təqib olunaraq saxlanılıb.
İctimai xidmət sahələrinə daha çox diqqət və qayğı
göstərmək gərəkdiyi halda, çempionata 8 milyard avrodan çox maliyyə
vəsaitinin ayrılmasına etirazın qəzəbinə səbəb olan amillərdən
biridir. Aksiya zamanı fəallar rəhbərliyin istefasını tələb
edib.