Azərbaycanın Cinayət Məcəlləsinə dəyişikliklər edildi

19 İyun 2014 15:45 (UTC+04:00)

Azərbaycan Respublikasının Cinayət Məcəlləsində dəyişikliklər edilib. 


Movqe.az-ın məlumatına görə, prezidentin imzaladığı Cinayət Məcəlləsində dəyişikliklər edilməsi haqqında Azərbaycan Respublikasının Qanunundakı dəyişikliklərdə azadlıqdan məhrumetmə, yəni həbs cəzaları sərtləşdirlib. 


Azərbaycan Respublikasının Cinayət Məcəlləsində (Azərbaycan Respublikasının Qanunvericilik Toplusu, 2000, № 4, II kitab, maddə 251, № 5, maddə 323, № 12, maddə 835; 2001, № 1, maddə 24, № 7, maddə 455; 2002, № 1, maddə 9, № 5, maddələr 236, 248, 258, № 6, maddə 326, № 8, maddə 465; 2003, № 6, maddələr 276, 279, № 8, maddələr 424, 425, № 12, I kitab, maddə 676; 2004, № 1, maddə 10, № 4, maddə 200, № 5, maddə 321, № 8, maddə 598, № 10, maddə 762, № 11, maddə 900; 2005, № 1, maddə 3, № 6, maddə 462, № 7, maddə 575, № 10, maddə 904, № 11, maddə 994; 2006, № 2, maddələr 71, 72, 75, № 5, maddə 390, № 12, maddələr 1008, 1020, 1028; 2007, № 2, maddə 68, № 5, maddə 398, № 6, maddələr 560, 562, 579, № 8, maddə 757, № 10, maddələr 937, 941, № 11, maddələr 1049, 1080, 1090, № 12, maddə 1221; 2008, № 6, maddələr 454, 461, № 7, maddə 602, № 10, maddə 884, № 12, maddələr 1047, 1049; 2009, № 5, maddə 315, № 7, maddə 517, № 12, maddə 953; 2010, № 2, maddə 70, № 3, maddələr 171, 178, № 4, maddələr 275, 276, № 7, maddə 591; 2011, № 4, maddə 253, № 6, maddə 472, № 7, maddələr 587, 601, 621, № 11, maddə 980, № 12, maddə 1093; 2012, № 2, maddə 45, № 3, maddələr 193, 196, № 7, maddələr 666, 669, 673, № 11, maddə 1068, № 12, maddə 1223; 2013, № 1, maddə 14, № 2, maddə 102, № 4, maddə 364, № 5, maddələr 459, 479, 481, № 6, maddələr 594, 600, № 11, maddələr 1264, 1286, 1312, № 12, maddə 1492; 2014, № 2, maddələr 89, 95; Azərbaycan Respublikasının 2014-cü il 14 mart tarixli 919-IVQD nömrəli qanunu) aşağıdakı dəyişikliklər edilsin:

1. 55.2-ci, 66.3-cü, 75.1.4-cü, 80.1.4-cü, 219-1.3-cü və 282.2-ci maddələrdə "on beş" sözləri "iyirmi" sözü ilə əvəz edilsin.

2. 55.4-cü maddədə "on beş" sözləri "iyirmi" sözü ilə, "iyirmi" sözü "iyirmi beş" sözləri ilə əvəz edilsin.

3. 66.3-cü maddəyə aşağıdakı məzmunda üçüncü cümlə əlavə edilsin:

"Cinayətlərin məcmusuna daxil olan cinayətlərdən birinə görə ömürlük azadlıqdan məhrum etmə növündə cəza və ya iyirmi il müddətinə azadlıqdan məhrum etmə cəzası təyin edildikdə isə az ciddi cəzanı daha ciddi cəza ilə əhatə etmək yolu ilə qəti cəza təyin edilir.".

4. 67.3-cü maddədə "iyirmi" sözü "iyirmi beş" sözləri ilə əvəz edilsin.

5. 100.1-ci maddədə "on" sözü "on iki" sözləri ilə əvəz edilsin.

6. 100.2-ci, 108-ci, 108-1-ci, 111-ci, 117.2-ci, 274-cü, 275.2-ci, 278-ci və 280-ci maddələrdə "on ildən on beş" sözləri "on iki ildən iyirmi" sözləri ilə əvəz edilsin.

7. 103-cü, 105-ci və 277-ci maddələrdə "on ildən on beş" sözləri "on dörd ildən iyirmi" sözləri ilə əvəz edilsin.

8. 110-cu maddədə "beş ildən on" sözləri "on ildən iyirmi" sözləri ilə əvəz edilsin.

9. 115.4-cü, 214.2-ci və 287-ci maddələrdə "on iki ildən on beş" sözləri "on dörd ildən iyirmi" sözləri ilə əvəz edilsin.

10. 116-cı maddədə "yeddi ildən on beş" sözləri "on ildən iyirmi" sözləri ilə əvəz edilsin.

11. 120.1-ci maddədə "yeddi ildən on iki" sözləri "doqquz ildən on dörd" sözləri ilə əvəz edilsin.

12. 120.2-ci maddədə "on iki ildən on beş" sözləri "on dörd ildən iyirmi" sözləri ilə əvəz edilsin.

13. 126.3-cü maddədə "yeddi" sözü "doqquz" sözü ilə əvəz edilsin.

14. 149.3-cü və 219.3-cü maddələrdə "səkkiz" sözü "on" sözü ilə əvəz edilsin.

15. 214.1-ci maddədə "on iki" sözləri "on dörd" sözləri ilə əvəz edilsin.

16. 275.1-ci maddədə "beş ildən on" sözləri "yeddi ildən on iki" sözləri ilə əvəz edilsin.

17. 276-cı maddədə "yeddi" sözü "on" sözü ilə əvəz edilsin.

18. 279.3-cü maddədə "səkkiz ildən on beş" sözləri "on iki ildən iyirmi" sözləri ilə əvəz edilsin. İlham Əliyev