Türk snayperi Fransada oğurlandı
21 İyun 2014 14:00 (UTC+04:00)
Fransanın paytaxtı Parisdə keçirilən "Eurosatory"
silah sərgisində Türkiyənin öz istehsalı olan "Bora-12" snayperi bu
ölkəyə aid stenddən oğurlanıb.Movqe.az-ın ANS PRESS-ə
istinadən xəbərinə görə, silah xüsusi qıfıl altında mühafizə olunan
qutusundan götürülüb. Hadisə barədə məlumat verən hüquq-mühafizə
orqanları oğruların "alyen" adlı xüsusi açardan istifadə etdiyini
bildirib.
Baş vermiş hadisəyə təəccübləndiklərini bildirən
silahın istehsalçısı "Makina Kimya Sənayesi"nin əməkdaşları
oğruların silahdan istifadə edə bilməyəcəklərini deyiblər. MKS
əməkdaşları silahın tətiyinin aktiv vəziyyətdə olmadığını qeyd
ediblər.
Paris polisi oğurluq faktı ilə bağlı araşdırmalara
başlayıb.