Ərdoğanın favorit komandası
21 İyun 2014 16:16 (UTC+04:00)
Türkiyənin Baş naziri Rəcəb Tayyip Ərdoğan
Braziliyada keçirilən futbol üzrə builki dünya çempionatında
azarkeşi olduğu komandanın adını açıqlayıb.
Movqe.az ANS PRESS-ə istinadən xəbər verir ki,
Türkiyə baş naziri iyunun 20-də "Yelisey" sarayında Fransa
prezidenti Fransua Ollandla görüşdən əvvəl "Paris Match" jurnalına
verdiyi açıqlamada DÇ ilə bağlı fikirlərini
çatdırıb.
Ərdoğan ölkəsinin mundialda oynamadığına görə
təəssüf hissi keçirdiyini və seçmə mərhələdə Hollandiya ilə eyni
qrupda olduqları üçün Hollandiyanın uğur qazanacağına inandığını
bildirib.
R.T.Ərdoğan həmçinin, Fransa yığmasında Riberi və
Samir Nəsrinin olmadığına görə təəssüfləndiyini də qeyd
edib.