Əhalinin gəlirləri artıb
22 İyun 2014 13:18 (UTC+04:00)
Bu ilin yanvar-may aylarında əhalinin hər nəfərinə
düşən gəlirləri əvvəlki ilin eyni dövrü ilə müqayisədə 3,1 faiz
artaraq, 1603,9 manat və ya ayda orta hesabla 320,8 manat təşkil
edib.
Movqe.az xəbər verir ki ,Dövlət Statistika
Komitəsindən bildiriblər ki, bu dövr ərzində ölkə əhalisi
tərəfindən əldə edilmiş 15 milyard manatlıq gəlirin 70,3 faizi son
istehlak xərclərinə, 11,5 faizi vergilərin, kreditlər üzrə
faizlərin, sosial sığorta və üzvlük haqlarının ödənilməsinə sərf
edilib, 18,2 faizi isə yığıma yönəldilib.
Əhalinin sərəncamında qalan gəlirləri 13,7 milyard
manat təşkil edərək əvvəlki ilin eyni dövrünə nisbətən 4,6 faiz
artıb.