Ucarda 5 yaşlı uşaq ərik çərəzindən ölüb
22 İyun 2014 17:00 (UTC+04:00)
Ucarda 5 yaşlı uşaq ərik çərəzi yeyərək dünyasını
dəyişib. Bu haqda Ucar Mərkəzi Rayon Xəstəxanasından xəbər
verilib.
Movqe.az-ın APA-ya istinadən məlumatına görə,
hadisə bu gün axşam saatlarında rayonun Bağman kəndində baş
verib.
Bağman kənd sakini nəvəsi 5 yaşlı Abdullayev Əşrəf
Emin oğlunu ağır vəziyyətdə xəstəxanaya gətirib. Xəstəyə ilkin
tibbi yardım göstərilməsinə baxmayaraq, Ə. Abdullayev dünyasını
dəyişib. Mərhumun babasının dediyinə görə, o ərik çərəzini sındırıb
yedikdən sonra vəziyyəti pisləşib.
Faktla bağlı Ucar Rayon Prokurorluğunda araşdırma
aparılır.