Balakən rayonunda suda boğulma hadisəsi baş verib.
Balakən Rayon Polis Şöbəsindən APA-nın Şəki-Zaqatala bürosuna verilən məlumata görə, hadisə rayonun Katex kənd inzibati ərazisində balıq yetişdirilməsi üçün yaradılmış süni göldə baş verib.
Gölün gözətçisi, rayonun Mahmalar kənd sakini, 1968-ci il təvəllüdlü Aslan Şahavuddin oğlu Qaracayev ehtiyatsızlıqdan gölə düşərək boğulub.
A. Qaracayevin meyiti sudan çıxarılaraq ailəsinə təhvil verilib.
Faktla bağlı Balakən Rayon Prokurorluğunda araşdırma aparılır.